في زمن الفهلوه واختلال منظومه العداله يمكنك
تحقيق الملايين من خلال 9 طرق سريعه وومضمونه ومجربه ومش تتعب نفسك متجربه واسأل كتييييييييييييير
اولا
ان تلتحق بالحزب الوطني وبقليل من النفاق وبعض من الرياء تصبح عضورا بارزا فيه ويمكنك من خلاله الحصول علي بعض العمولات واحتكار بعض المواد تكون بدايه لتحقيق الملايين
ثانيا ان ترشح نفسك في انتخابات مجلس الشعب
عند انكل فتحي
وتحصل علي كرسي في البرلمان ومن خلال الحصانه وقرارات العلاج علي نفقه الدوله وبيع تاشيرات الحج والحصول علي اراضي وقروض الشباب تحقق الملايين ده غير تسفيرهم في مراكب الموت اللي يطلع مش ينزل وبيعهم لي مافيا الاعضاء في اطاليا ودول البحر المتوسط واوكرانيا يعني من الاخر كلها فوايد ومش تخاف
عندا الاعضاء لا بيتعبو ولا نيله زي الاخوه دول مثلا
او ده مثلا لازم برضه يتابعو اشغالهم بلا شعب بلا دايره بلا هم
صدقوني مفيش اسهل من كده
ثالثا ان تجد طريقك لاحد الوزراء تحصل منه علي قطعه ارض باحدي المدن الجديده او الساحليه بسعر 5 جنيه لي المتر ثم تغاجا بعدها ان سعر المتر في المنطقه يساوي الالاف
رابعا ان يكون ليك احد الاقاربا من المسؤلين الكبار ويقوم في تعينك مستشار في ايه حاجه بالرغم من انك لاتفقه اي حاجه وتحصل علي مرتب ومكافات تتعدي المليون جنيه شهريا
ولو مش ليك مش مشكله مش تتعب نفسك شوف قريبت اي مسئول واتمحلسها واتجوزها واكبت العيال بي اسمك برضه مش عيب منها بي تسترها دنيا وتكسب دنيا اوخرها
خامسا ان تجمع عدد من الاصدقاء والعطلين
والمنسين ودول كتير واولاد شوارع وبلطجيه ودول اكتر ولبسهم هدمه نظيفه واكلت كباب
وتقرر انشانء حزب وان توافق لجنه الاجزاب عليه اللي رئيسها هو بتاع الحزب الكبير وفي البند رقم واحد
وتحصل بعدها علي دعم مالي حكومي ومن بعض رجال الاعمال نظير الاستفاده من خدمات وتسيهلات وتاشيرات وتوصيات الحزب
ملحوظه مش مهم يكون الناس عارفه ولا نيله المهم تكون الحكومه عارفه وحاباه طبعا
فاهمني
سادسا ان تقيم شركه لتسفير الشبابا للخارج تجمع من خلالها ملايين الحنيهات بعد ان تبيع الوهم لهولاء السباب وتتركهم علي مركب في عرض البحر وفص ملح وداب وحلال عليك
فلوس الشباب
ولو العمليه مشيت معاك حلوه شوفللك اي مركب صيد قديمه ومتكهنه وهاتها هنا وسيميها السلام الابدي وشغلها علي خط مصر الخليج
سابعا ان تتعرف علي احد المسؤلين ال1ي يوفر
لك الحصول علي قرض بضمان قطعه ارض مضروبه ونحصل علي الملايين من البنك ثم تجد ه1ا المسئول في المظار يسهل لك اجراءات
سفرك وبعدها يصدر قرار بمنعك من السفر
طبعا هاتكن خرجت من البلد واللي يقدر يعمل حاجه يعملها انت هاتروح تتبرع بي فلوسك عشان تبني بنوك في سوسيرا
ثامنا ات تطلق لحيتك وترتدي جلباب ثم تطل علينا من احدي الفضائيات وتفتي بامور شاذه كارضاع الكبير وتقبيل الصغير واسرار السرير لتجد نفسك بعدها ضيف علي جميع القنوات ةتنهال عليك الالوفات ويصبح رقمك الشخصي 0900
تاسعا وهي طريقه لاانصحك بتجربتها لانها طريق العمل الشريف والكفاح وهي غالبا لاتاتي بنتيجه
تعليقات